Accueil
Envoyer à un ami
Version imprimable
Partager

U scumpientu di 'Tokio Hotel'

Pensavate chì i fratelli Pesce eranu pupulari ? Andate ! Hè ch'è vo ùn cunniscite micca u fenòmenu di u gruppu Tokio Hotel...



Tokio Hotel, cosa hè st'affare ?
Hè un gruppu di giovani allemani. Cunnoscenu un successu mundiale cù e so canzone è sò in stu mumentu (ma ùn v'inchietate, ùn durerà tantu) u gruppu preferitu di l'adulescenti. Ma sopr'à tuttu di e zitellette.

Perchè stu successu ?
Primu puntu di stu successu, e facce di i membri di u gruppu. Avete vistu ste chigne ? Anu guasi vint'anni ma ne facenu quindeci. Eccu di chè rassicurà e cullegiane chì i preferiscenu à i so cumpagni adulescenti carchi à risgioli è biactol. In qualchì modu, sò i fratelloni ideali.

Perchè stu nome ?
Perchè Tokio Hotel ammenta i viaghji, u paese luntanu d'Asia è i mangà... Eppo hè megliu chè "Berlin Camping", "Casamozza Parking" o "Linguizzetta Gîte Rural", nò ?

È e so canzone ?
Iè a sò, face ride ma cantanu in allemanu è anu u successu quantunque. Tremendu nò ? Anu ancu riesciutu à fà cresce u numeru di cullegiani chì sceglienu u tedescu cum'è lingua di studiu... À quandu un Tokio Hotel corsu pè fà cullà l'effettivi di sculari bislingui ???

Un cantadore andròginu
Cù i so capelli longhi è sculuriti, a so faccia pinta è e so unghje longhe è di culore, u lider di u gruppu si puderia fà passà per una zitella. Li permette cusì di piace à e fèmine chì temenu troppu à st'età a virilità troppu prununziata.

U so look
Capelli spettinati, dreadloks, jeans strappati... Attenti chì i Tokio Hotel sò veri ribelli, stumagati da u sistema è da l'autorità parentale ! À tal puntu chì certi ghjorni si chjinanu dop'à dece ore è ch'elli beienu u panaché. È trà unu chì hà adopratu u gèneru gothic è l'astru piuttostu hip hop, ci la facenu à piace à 90% di a pupulazione di e corti di recreazione.

In fatti, sò bravi...
Rivuluziunari i Tokio Hotel ? Micca veramente. Un cuncertu previstu di ghjungnu in Parigi hè statu rimessu perchè cascava listessu ghjornu chè.... u baccu ! Seranu cuntenti i parenti cusì. Nunda à chì vede cù i veri rockers !

Allora, Tokio Hotel in Corsica ?
Scatinati, l'accaniti di u gruppu ! À tal puntu ch'ella circuleghja una petizione per chì i tedeschi fessinu un cuncertu in Corsica !!! Andate à vede custì, facenu ancu l'adunite u mercuri dopu meziornu :
th-petition-corse.skyrock.com

Ma preferimu quantunque i Chjami Aghjalesi è I Cantelli...

u 18 di Marzu 2008
u webmaestru



1.mandatu da Petru-Anghjulu u 18/03/2008 17:02
Fideghateli, ste chigne di pastizzu...

2.mandatu da Fafanellu u 19/03/2008 11:49
Avà costani più caru I Chjami cà T.H. hahahaha

3.mandatu da piratella u 19/10/2008 16:45

Chì guffure!

4.mandatu da Fium'Orbu u 12/11/2008 08:39
chi massa di pinocchio..

Novu cumentu :


Seguitateci nant'à Facebook



Abbunatevi à a newsletter

Circà nant'à A Piazzetta